Tornionlaakso Stokholmissa

Tornionlaaksolaiset oon vähhiin tunnettu Ruottin kansalisista minuriteetistä, läheisesti liittyny Ruottin ja Suomen rajan välisheen Tornionlaakshoon. Paljon tornionlaaksolaisia assuu kansa Stokholmissa, ja net halvaavat uuesti elvyttää heän kultuuria ja histuuriata, elikkä jakkaa kokemuksia kunka oon olla tornionlaaksolainen tiaspoorassa.

Tapahtumalla met huomioittema ette yks vuosi oon kulunu jälkhiin ko Tottuus- ja sovintokomisuuni tornionlaaksolaisile, kväänile ja lantalaisile jätti kulttuuriministerille heän mietinön ”Som om vi aldrig funnits/Aivan ko meitä ei olis ollukhaan”. Raportti valastaa hyökkäyksiä kansalista minuriteettiä tornionlaaksolaisia vasten läpi histuurian.

Hörsalen/Aula, plaani 2

Huohneessa oon kuuloslinga.

11.30 Tervetuloa – laulula meänkielelä

Meitä tervehtithään yhessä lauluryhmän Kultin kansa, joka laulaa lauluja Tornionlaaksosta meänkielelä ja ruottiksi.

11.40 Tornionlaakson histuuria

Keskusteluja Tornionlaakson histuuriasta tietejurnalistin Tobias Svanelidin (Vetenskapsradion Historia) ja professori emerituksen Lars Eleniuksen kansa. Histuuriset vaiheet liitethään yhtheen nykyaijan minuriteettiongelman kansa.

12.35 Panelikeskusteluja minuriteetipolitiikasta 

Vuosi oon kulunu jälkhiin ko Tottuus- ja sovintokomisuuni jätti mietinön kulttuuriministerille. Mitäs oon tapahtunnu? Mitäs politiikkerit oon tehneet mietinön ehotuksitten kansa? Mitäs mieltä minuriteetti oon? Kunkas sovintotyötä konkretiseerathaan?

Matkassa oon: Birger Winsa, docent i meänkieli; Karin Keisu, Met Nuoret; Ruth Forsström, Tornedalingar i Stockholm; Amanda Lind, kielirööri Miljööparttiolle; Ida Karkiainen (S), valtiopäivitten konstitysuunivaliokunnan puhheenjohtaja. Muteraattori: Kaisa Syrjänen Schaal, senioori polisyneuvonantaja Ruottin kirkole.

13.30–14.15 Lynsi

14.15 Kirjailiakeskustelu

Kultuurijurnalisti Kerstin Wixe keskustellee kirjailia Katarina Kierin kansa hänen kirjasta ”Vårt värde” (Meän arvo).

15.15 Musikkia ja puesiita

Höstorkestern Jonas Pietikäisen, Viktor Krutrökin ja Hannes Autio Pudaksen kansa – Tornionlaaksosta ja Malmikentältä – pellaavat akystisen konsäärin vuorottellen David Väyrysen puesiin kansa.

16.10 Jälkiajatuksia

Met tehemä yhtheenveon päivästä.

Källarstugan/Kellaritupa, plaani 1

11.30–12.00 & 14.30–15.00 Kielileikkiä lapsile 

Kielileikkiä petakookin Astrid Kruukan, Pajala, ja Lovisa Dahlbergin kansa, esikoulu Norrskenet Stokholmissa. Leikissä, lauluissa ja ramsoissa lapset saavat pruuata miltä se tuntuu ette puhua meänkieltä ja kunka sitä lausuu sanoja.

13.30–14.15 Satuhetki lapsile

Satuhetki paralellikielilä (ruottinkieli/meänkieli) Kristina Hedströmin kansa.

Kellarituassa sie saatat koko päivän riitata ja maalata tornionlaaksolaisia kuvia – elikkä kalastaa meän leikkivenheestä!

Salongen/Salongi, plaani 1

Koko päivän – ota ossaa Ummikkopodista

Sitä joka ei ossaa puhua meänkieltä kuttuthaan Tornionlaaksossa ”ummikoksi”. Ummikkopodissa Kirunanlainen Daniel Fjellborg kohtaa tornionlaaksolaisia, keskustelussa kunka net suhthatuvat siiheen ette ei puhua meänkieltä. Sia saatat koko päivän ottaa ossa Ummikkopodista kuuntelupaikoissa museon salongissa – muun muassa osia tunetuitten henkilöitten kansam niinku kirjalia Åsa Larsson, muusikon Rebecka Digervall ja hihtajan Charlotte Kallan kansa.

Trapphuset/Trapputalo, plaani 2

12.00–15.00 – Ota matkassa histuuriassa Nuoret kertovat

Nuoret kertovat, osa Kulttuurikoulusta Stokholmissa, pittää auki heän green-screen valokuvastyytiun jossako sie panet ittesti histuurihaan. Valikoitte taustakuvan Tornionlaaksosta elikkä Stokholmista. Ota paikkaa kaameran etheen ja ota matkhaan sinun kuva päivän muistoksi.

Tuotanto ja tuki 

Tapahtuman oon tuotettu yhtheistyössä Lars Eleniuksen ja Hanna AIlin kansa, entiset jäsenet Tottuus- ja sovintokomisuunissa. Tuela Kulttuuriraatilta, Rekiuuni Norrbottenilta ja Stokholmin kaupunkilta.

Varrauksella ohjelman lissäykshiin, päivitykshiin ja muutokshiin.

Lynsitipsi: kastepottu

Tänäpäivänä Kaupunkinmuseon kahvila tarjoa tornionlaaksolaisen erikoisruan ”kastepottu” saustetun lohen kansa. Sitäpaitti siiheen kuuluvat pieni sallaati, leipäpyfe, sekotuksia ja kahvia/teetä. Lynsi tarjothaan 13.30 kahvilassa plaani 0.

Sida på svenska

Tornedalen i Stockholm